آخر تحديث: أكتوبر 2026

نبي تكون مرتاح وأنت تشترك. أول محاضرة في درب مجانية بالكامل عشان تجرّب قبل ما تدفع، وهذي السياسة توضّح متى تقدر تسترجع فلوسك.

الاسترجاع الكامل خلال 7 أيام

إذا اشتركت لأول مرة وما عجبك درب، تقدر تطلب استرجاع المبلغ كامل خلال 7 أيام من تاريخ الدفع، بدون أسئلة معقدة.

التجديد التلقائي

• تاريخ التجديد القادم ومبلغه مكتوبين دائمًا في صفحة الإعدادات، ومنها توقف التجديد في أي وقت بضغطة.
• إذا انسحب تجديد ونسيت تلغيه، تقدر تطلب استرجاعه خلال 48 ساعة من التجديد بشرط ما تكون استخدمت المنصة بعد التجديد.
• بعد هذي المدة ما نسترجع مبلغ التجديد، لكن يستمر وصولك لكل المحتوى لين نهاية المدة المدفوعة.

بطاقات الهدايا

تقدر تسترجع قيمة بطاقة الهدية خلال 14 يوم من شرائها إذا ما انستخدم كودها. بعد ما يفعّلها المُهدى له ما نقدر نسترجعها.

متى ما نقدر نسترجع؟

• بعد مرور المدد المذكورة أعلاه.
• إذا ثبت مشاركة الحساب مع أشخاص آخرين أو نسخ المحتوى ونشره.
• الإلغاء في نص المدة ما يرجّع جزء من المبلغ، بس يوقف التجديد الجاي.

إذا صارت مشكلة تقنية

إذا دفعت وما انفتح لك الاشتراك، أو انسحب منك المبلغ مرتين، تواصل معنا ونصلّحها أو نرجّع لك الفرق كامل مهما كان التاريخ.

كيف أطلب الاسترجاع؟

1. راسلنا على mansat.darb@gmail.com أو واتساب من نفس البريد المسجّل في حسابك.
2. اكتب رقم الطلب من إيميل الإيصال، وسبب الطلب باختصار.
3. نرد عليك خلال يومين عمل. الاسترجاع يرجع لنفس وسيلة الدفع، ويوصل عادة خلال 5 إلى 10 أيام عمل حسب بنكك.

عن الدفع

الدفع يتم عن طريق Lemon Squeezy، وهو البائع المعتمد (Merchant of Record) للعملية، وهو اللي ينفّذ الاسترجاع على بطاقتك. المبالغ تُعرض بالريال العُماني وتُحسب بالدولار الأمريكي عند الدفع.

شوف كمان: شروط الاستخدام · سياسة الخصوصية